Bóveda (escudo)

Decreto 106/1995, do 31 de marzo DOG núm. 78 (24 de abril de 1995)
De azur (azul), tres ondas de prata (branco) acompañadas, no xefe, dunha lis de ouro (amarela), flanqueada de dous dados do mesmo e punteados de cinco, e, na punta, doutro dado do mesmo e punteado de catro. Ó timbre, coroa real pechada
Os célebres dados que nas súas armas pintaban os da vella liñaxe dos Bóveda, tráense ás deste Concello, aínda que alterando os punteados acostumados, que aquí son de 5:5:4 para aludir ás catorce parroquias que hoxe conforman o termo municipal. Como complemento, tres ondas de prata que recordan o río Mao, que atravesa as terras do Municipio.