Samos (bandeira)

Decreto 287/2008, do 4 de decembro DOG núm. 6 (9 de xaneiro de 2009)
Pano dividido en tres franxas verticais de verde, branco e azul; no terzo do centro, un círculo cunha cruz pometeada de amarelo con catro rubís de vermello, con catro vieiras de prata nos cantos.
O pano verde representa o carácter rural do municipio e a súa riqueza forestal e paisaxística; as cores branca e azul representan o río Sarria ou Samos; e a cruz pometeada representa a real abadía mitrada de San Xulián de Samos, protagonista de excepción na historia de toda a comarca, que estaba baixo a súa xurisdición.

Rábade (bandeira)

Decreto 330/2002, do 14 de novembro DOG núm. 233 (3 de decembre de 2002)
Partida á metade. De azul, coa aguia de amarelo, á hasta, e de amarelo ó batente.
Véxanse os motivos que inspiran a bandeira deste Municipio no texto explicativo correspondente ás súas armerías.

Ribas de Sil (bandeira)

Decreto 344/1996, do 13 de setembro DOG núm. 186 (23 de setembro de 1996)
Sobre o pano azul, a cruz paté, ou ensanchada, de branco, disposta no centro e cantonada de catro follas de vide, de amarelo.
Véxanse os motivos que inspiran a bandeira deste municipio no texto explicativo correspondente ás súas armerías.

Quiroga (bandeira)

Decreto 271/1998, do 24 de setembro DOG núm. 195 (7 de outubro de 1998)
Sobre o pano verde, a torre de amarelo, flanqueada de catro franxas ou tiras verticais de branco, dúas á hasta e dúas ó batente.
Véxanse os motivos que inspiran a bandeira deste Municipio no texto explicativo correspondente ás súas armerías

O Páramo (bandeira)

Decreto 331/1997, do 13 de novembro DOG núm. 227 (24 de novembro de 1997)
Partida a un tercio da hasta. Azul á hasta, cóas dúas torres de amarelo, e vermello ó batente coa cruz da Orden de San Juan, ou de Malta.
Véxanse os motivos que inspiran a bandeira deste municipio no texto explicativo correspondente ás súas armerías

Pobra do Brollón (bandeira)

Decreto 46/2005, do 4 de marzo, DOG núm. 53 (15 de abril de 2005)
Partida de amarelo á asta, co piñeiro de verde e a vide enroscada nel, froitada de vermello e de verde ao batente.
Na súa virtude, considerase oportuno incorporar sobre o pano, dividido a metade, de amarelo a asta e de verde ao batente, o pino de sinople (verde), coa vid enroscada do mesmo, froitada de gules (vermello), segundo todo elo se representa o aludido emblema heráldico municipal.

Mondoñedo (bandeiras)

Decreto 336/1999, do 9 de decembro DOG núm. 250 (29 de decembro de 1999)
Sobre o pano vermello, o cáliz de amarelo, sumado da Sagrada Forma de branco e acompañado de seis cruces, tamén de branco, tres á hasta e tres ó batente.
Esta bandeira de factura nova, ten moito que ver —excepto na cor do pano— coas enseñas que noutro tempo se enarboraron para representa-lo Reino de Galicia, pero que finalmente non tiveron a fortuna de ser recoñecidas oficialmente, o que si ocorreu en cambio coa modificada matrícula do porto coruñés. Polo demais, véxanse os motivos que inspiran esta bandeira no texto explicativo correspondente ás armerías deste municipio

O Incio (bandeira)

Decreto 308/1996, do 12 de xullo DOG núm. 148 (30 de xullo de 1996)
Sobre o pano vermello, unha aspa de amarelo
Véxanse os motivos que inspiran a bandeira deste municipio no texto explicativo correspondente ás súas armerías.

Foz (bandeira)

Decreto 178/2008, do 17 de xullo,D.O.G. núm. 160 (20 de agosto de 2008)
Tres franxas horizontais de azul, branco e de verde; a de branco do dobre tamaño que as outras dúas, cunha fragata de azul coas velas despregadas.
O pano de azul representa o mar, o branco a súa costa e a area das súas praias, o barco representa a actividade portuaria de Foz dende a Idade Media, e o pano de verde a súa actual riqueza forestal.

Folgoso do Courel (bandeira)

Decreto 286/2008, do 4 de decembro, DOG núm 4 (7 de xaneiro de 2009)
En pano de amarelo, un castiñeiro de verde; e no terzo de abaixo, unha franxa encaixada de catro picos altos de verde.
O castiñeiro, cunha plantación no municipio dunhas 1500 hectáreas, representa o medio ambiente; as cruces aluden á célebre encomenda da Barra na Orde de Cabalería de Santiago, á que pertencía o termo municipal; o encaixado simboliza a serra do Courel, a serra da Trapa e a serra de Lourenzá, así como os montes de Formigueiros e Pía Paxaro.

Cervo (bandeira)

Decreto 272/2001, do 20 de setembro DOG núm. 200 (16 de outubro de 2001)
Sobre o pano verde, un cervo de amarelo, vilenado de vermello; encaixado de azul, a un tercio da hasta, coa estrela de amarelo e unha áncora de branco
Véxanse os motivos que inspiran a bandeira deste Municipio no texto explicativo correspondente ás súas armerías

Bóveda (bandeira)

Decreto 137/2003, do 9 xaneiro DOG núm. 24 (4 de febreiro de 2003)
Sobre o pano azul, os tres dados punteados (5 4 5), dispostos á hasta e acompañados, ao batente, de tres tiras ondeadas de branco
Véxanse os motivos que inspiran esta bandeira municipal no texto explicativo correspondente ás súas armerías

Burela (bandeira)

Decreto 229/1996, do 30 de maio DOG núm. 114 (11 de xuño de 1996) Corrección de erros: DOG núm. 152 (5 de agosto de 1996)
Partida a un tercio da hasta. Azul escuro á hasta, co faro e o torque de amarelo, e de azul claro ó batente
Véxanse os motivos que inspiran a bandeira deste municipio no texto explicativo correspondente ás súas armerías

Baralla (bandeira)

Decreto 135/1996, do 29 de marzo DOG núm. 76 (18 de abril de 1996)
Sobre o pano azul, un caldeiro de amarelo, sumado dunha cruz do mesmo e acompañado de catro torres brancas dispostas nos cantóns.
Véxanse os motivos que inspiran a bandeira deste municipio no texto explicativo correspondente ás súas armerías

Antas de Ulla (bandeira)

Decreto 15/1997, do 30 de xaneiro DOG núm. 25 (6 de febreiro de 1997) Corrección de erros DOG núm. 27 (10 de febreiro de 1997)
Sobre o pano azul, a torre amarela ó centro e as dúas caldeiras brancas, unha ó batente e a outra á hasta.
Véxanse os motivos que inspiran a bandeira deste municipio no texto explicativo correspondente ás súas armerías