Cariño (escudo)

Decreto 342/1996, do 13 de setembro DOG núm. 186 (23 de setembro de 1996)
De ouro (amarelo), e sobre ondas de azur (azul) e prata (branco), tres penas da súa cor, as dos flancos sumadas da ortiga de sinople (verde), e no centro o remo e o arpón da súa cor, dispostos en aspa e resaltados dunha áncora de azur e dun salvavidas da súa cor; xefe de azur, con cinco estrelas de ouro. Ó timbre, coroa real pechada.
Incorpóranse como motivo fundamental das armas deste novo Concello as penas e ortigas sobre ondas do famoso solar de Ortigueira, ó que historicamente está vinculado. A representación complétase cos consabidos emblemas mariñeiros (remo, arpón, áncora e salvavidas), que expresan a vinculación destas terras co mar e coas actividades mariñeiras en xeral, e coas cinco estrelas, dispostas no xefe, como alusión ás parroquias que conforman o termo municipal recentemente creado